خليك ورا قطيعك !!

خليك ورا قطيعك !!

علي فكرة .. لا هيهمني نجومك و لا نياشينك و لا حتي دبابيرك

أصلي عارف اني مهما عملتلك .. مش هأخلي من تدابيرك

طب أقولك علي حاجة .. أنا حتي مبقاش يفرق معايا تقديرك

أصلي ياما أقدرتك .. و كان الرد دايما واحد من طرف مناخيرك

بس اللي انت مش عارفه .. انه مبقاش زمانك، ده زمن غيرك

و بعدين هوجع دماغي معاك ليه .. أنا أصلي قررت أسيبك

أنا خلاص عدي عليا الكتير .. و هما كام يوم علي أقصي تقديرك

أيوة مبسوط اني هأسيبك .. تفتكر مثلا هتوحشني طوابيرك

و لا مقشاتك و زبالتك و تقل دمك .. و لا مثلا نومتي علي سريرك

ايوة مش طايقك .. ما أنا مش هأنسي لما كنت بتطلع علي زرابينك

أقولك علي حاجة .. مع السلامة و القلب حتي مش داعيلك

الكلام ده كله مقصود .. و يا ريت بقي ما تسيبش تعليقك

و كفاية كلام عمّال علي بطّال .. خلاص انكشفت كل ألاعيبك

و نصيحة بقي سيبك من الإعلام .. علشان محدش حيصدق حواديتك

كنت زمان من أشد معجبينك .. بس برضه مينفعش اللي عمله كبيرك

بس دلوقتي .. أحمد صلاح و احد من أشد معارضينك !!

21/10/2011